Калі б ён быў у жывых, яму споўнілася б роўна 100 гадоў. Віктар Швед, беларускі паэт і публіцыст, грамадскі дзеяч нарадзіўся 23 сакавіка 1925 года у вёсцы Мора ў гміне Чыжы Гайнаўскага павету. Яго дзейнасць — гэта цэлая эпоха беларускага літаратурнага і грамадскага руху ў Польшчы, асабліва на Падляшшы. Цягам усяго жыццё ён быў таксама звязаны з дзейнасцю БГКТ.
«Віктар Швед быў выбраны сакратаром Таварыства, а пакуль было пакліканае Таварыства, то ён з сябрамі пры Рускім Таварыстве ў Варшаве мелі такі гурток беларускіх студэнтаў. Ён быў вялікі майстар беларускага слова і гаварыў праўду», — падкрэслівала жонка паэта Валянціна Швед.
Вечарына ў гонар Віктара Шведа.
Віктар Швед — гэта такая асоба, з якой атаясамліваецца тое, што рэгулярна сустракалі мы на ягоных юбілеях, — дадала Ілона Карпюк з Цэнтра Беларускай Культуры ў Беластоку. Не толькі на аўтарскіх сустрэчах, якіх было сапраўды многа, асабліва ў школах. Ён любіў быць сярод людзей, любіў быць з людзьмі.
Першая літаратурная публікацыя Шведа мела месца ў тыднёвіку «Ніва» 24 сакавіка 1957 года, верш называўся «Я Беларус».
З «Нівай» паэт супрацоўнічаў аж да канца сваіх дзён, да кастрычніка 2020 года. На старонках тыднёвіка з’явілася 2500 яго вершаў, як патрыятычнага, так і грамадскага зместу. Шмат вершаў пісаў для дзяцей.
Анна Пятроўская
Слухайце далучаны гукавы файл
Вечарына ў гонар Віктара Шведа.